| 今日見完super 一肚氣 做好左finding and anlysis 佢先話我個Questionnaire有問題囉 講左一大輪話我個point錯... 之前你有唔講.... 仲要話個questionnaire冇detail睇到... 唔知我咁寫.. finding果part睇下就發現有問題... 頂....我好想同佢講... 咩叫finding呀..咩叫analysis呀 梗係跟住個questionnaire黎做架啦.... 跟住我問佢點呀?由頭做過呀? 佢話唔知你喇...你自己諗下啦...仲要係度笑 好似線緊我咁囉.... 好彩佢最後話當冇睇過我之前份野... 但...真係不知所謂呀!!!!!!!!!!!!!! 好....發洩完....要繼續努力!!! |
| |
| "我 會 爭 氣 , 我 會 乖 。 I'll try my best to learn to be a responsible woman. ( 盡 我 所 能 做 一 個 負 責 任 的 人 ) 我 知 道 我 媽 咪 只 想 我 咁 樣 。 " 今日每次係報紙....電視....睇到聽到呢句野 我都忍唔住喊左出黎 肥姐咁辛苦....最後都係走左 雖然你走得太快... 唯一慶幸既係...你走既時候...冇咁辛苦 而家都過左一個月 但都會成日諗返起你既野 有時都仲覺得好假... 好似發緊夢咁 我有好多野想同你講....我想話你聽 我地而家都慢慢開始習慣.... 以前好依賴你....而家咩都要自己搞掂.. 我都覺得我大個左喇 我地好好....唔洗擔心 我煮飯有進步呀.... 凱雯呢....佢岩岩派左默書... 一百分...好叻女* 我會努力睇住佢地架喇.... 不用掛心! |
| |
| 今個新年一d都唔快樂 一直覺得係電視先會發生既野 竟然係我面前發生 上個禮拜.... 我真係忍唔到 日日都喊...幾乎崩潰 從未試過咁 我完全接受唔到 明明前一晚都好地地 突然會咁 我真係好驚好驚 好多親朋戚友打黎安慰我 我越講就越喊 又要做assignmentss...又要exam 我真係好想放棄 但諗返轉頭...我真係好白痴 大把人慘過我啦 佢今年夠a-level啦 佢仲tough過我 而家...我還ok la....接受左 既然係事實..我要學習勇敢面對 我唔會再喊 I need to be strong ma 我仲要睇住凱雯...仲要睇住屋企麻 呢場仗雖然仲有排打... 但我地一定會贏架...係咪? 加油呀! 多謝你地係我身邊安慰我 知道我唔夠時間... 就教我點溫點溫 仲有多謝你地同你既support 你地對我真係好 我真係覺得好感動 前幾日返補習社拎返張cheque... 走既時候我竟然又喊... 我冇諗過會喊... 可能因為我都做左兩年幾... 習慣左... 突然冇得返果種感覺係好難受 我好miss我d仔我d女 |
| |
| 22.7.07-23.7.07 兩日一夜番禺之旅 熱到溶呀 不過好玩! 去左長隆歡樂世界 玩左十環過山車同摩托車...正! 好刺激!!!! 第二日無啦啦可以join埋人地去水上世界 玩左大喇叭...仲有兩個係咁沖落黎既東西 大喇叭冇想像中咁驚.... 好似沖廁咁沖落去....哈哈 總括黎講 我諗如果無咁熱既話.....會更加好 呢個係貝殼既物體砌成既牆:
同曼聯合照..kaka:
白老虎:
大笨象同佢pet屎 :
好似樂天熊仔餅既樹熊 :
熊貓食竹既食相:
|
| |
| 尋日出左exam result 我諗冇咩人會好似我咁囉 知道unn 出左offer 就狂check email 點知冇喎........嚇死我 諗住會有加麻.....太老定喇我 跟住就諗係咪太多人報?? 唔收我既話就出黎做野定搵野讀??? 搞到好down 到今朝起身打去問.....佢話第一round已經send哂 之後講講下叫佢幫我check啦 佢話send左比我喎 之後對個email 佢都仲話岩 跟住佢話send多次 之後又話原來之前send錯喎 比佢玩死 到今日收到offer letter 個email真係錯左.....仲要錯左兩個字 ng變左nt....hotmail變左hotmial 總之...不得不講句....感謝神 |
| |